До министерството за финансии ќе бидат испратени налозите за исплата на субвенциите наменети за пчеларите. Освен за нив, министерот за земјоделство Љупчо Николовски најави дека ќе се доисплатат и субвенциите за останатите земјоделци.
„Продолжуваме со исплата а субвенциите за 2016 – та година по сите опструкции, блокади кои ги затекнавме во институцијата. До министерство за финансии ќе се испрата налози за исплата на субвенции за пчелари, а во износ од над 130 милиони денари во еден ден ќе се исплата над 3.500 пчелари. А во процес се и другите налози за исплата на неисплатени субвенции за 2016 – та година. До сега реализирани се околу четири милјарди денари за субвенции, а за исплата остануват уште две милјарди денари за кој ќе се интензивира обработката и ке ја затвориме оваа 2016 – та година“, рече министерот Николовски.