Русија “веднаш” да ги прекине воздушните напади против умерените сириски бунтовници. Не е можен мир во Сирија при “ова раководтсво” во блискоисточната земја. Тоа нго изјавија министрите за надворешни работи на земјите членки на ЕУ по состанокот во Луксембург.

Според министрите руските удари против умерената сириска опозиција предизвикуваат силна тревога и треба веднаш да бидат прекинати.

“Треба да престанат руските нарушувања на суверениот воздушен простор на соседните земји”, забележуваат првите дипломатите.

Тие сметаат дека воената ескалација доведува до ризик од продолжување на конфликтот, поткопување на политичкиот процес, влошување на хуманитарната ситуација и зголемување на радикализацијата.

“Нашата цел треба да биде намалување на ескалација на конфликтот”, дополнуваат тие.

ЕУ ја повика Русија да ги насочи напорите кон општите задачи за постигнување на политичко решение на конфликтот. Во овој контекст сојузот повика Русија да делува за намалување на насилството и да ги применува прифатените меѓународни документи, појаснуваат уште во соопштението.

Во однос на управувањето на сирискиот претседател Башар ал Асад се вели дека не може да има траен мир во Сирија со него и додека легитимните аспирации на сите компоненти на сириското општество не бидат земени предвид.

Кина го поддржува суверенитетот и територијалниот интегритет на Сирија

Во меѓувреме стана јасно дека Кина ја поддржува Сирија при одбрана на нејзиниот суверенитет и територијален интегритет.Ние сме против вмешување на други земји во нејзините внатрешни работи. Пекинг “поддржува антитерористичките мерки кои одговараат на меѓународното право и се одобрени од Сирија”, рече шефот на кинеската дипломатија. Во исто време, тој изрази надеж дека консултациите меѓу сите заинтересирани страни ќе продолжат и ќе имаат како резултат обединување на нивните сили во борбата против тероризмот.

“Кина во својата надворешна политика секогаш се придржуваат кон основните принципи на меѓународните односи, објавувајќи се против мешањето во внатрешните работи на други земји врз основа на еднозначни пристапи. Кина ја поддржува Сирија во заштитата на нејзиниот суверенитет, независност и територијален интегритет, ја поддржуваме Сирија во нејзиното движење на патот на нејзините сфаќања за развој “, рече Ван И.

“Судбината на Сирија на крајот мора да ја утврди самиот сирискиот народ”, додаде тој.

НАТО како воена унија нема планови за учество во сирискиот конфликт
НАТО не планира да интервенира во ситуацијата во Сирија. Ова го изјави генералниот секретар на Алијансата Јенс Столтенберг за време на пленарното собрание на НАТО, кое се одржува во норвешкиот град Ставангер.

“НАТО како воена унија нема планови за учество во сирискиот конфликт. Но, во исто време членки на Алијансата се дел од коалицијата предводена од САД “, изјави Столтенберг.

Тој истакна дека одделни членови и партнери на НАТО играат клучна улога во борбата против терористичката група “Исламска држава” на територијата на Сирија. “Дури и ако организацијата не учествува официјално во операцијата, можностите и интероперативноста на силите на НАТО играат голема улога и се исклучително корисни за коалицијата”, смета Столтенберг.

Генералниот секретар потсети дека САД и порано ја изјавувале својата подготвеност за соработка со Русија, Иран и другите земји во изнаоѓање патишта за политичко решение на сириската криза, која трае од пролетта 2011 година

Столтенберг ја повика Турција да користи пропорционална сила кога одговара на терористичките напади. Генералниот секретар призна дека Турција е државата погодена најмногу од кризата на Блискиот Исток од било кој друг член на Алијансата.

“Тие (Турција ) искусија неколку терористички напади. Тие имаат право да се заштитат, но јас, се разбира, би очекувал Турција да одговори на реципрочен начин “, изјави Јенс Столтенберг.