Карл Лагерфелд несомнено е една од најважните личности во светот на модната индустрија.
Креативниот директор на Chanel е познат по својата исклучителна креативност и сензитивност кон секоја нова генерација и неговите преференци.
Покрај запаметените предлози кои сигурно го променија начинот на кој се гледа модата, Карл Лагерфелд е познат и со најдолгото партнерство меѓу една марка и дизајнер.
Станува збор за 50-годишната соработка со Fendi – настан што дефинитивно заслужува почесно покривање.
Во овој случај, денес имаме среќа да ја видиме кутијата “Fendi by Karl Lagerfeld” .Вистината е дека малку наликува на грчкиот мит за Пандорината кутија, само што во неа не се затворени болести и несреќи, туку вистински модни богатства.
Кутијата на Карл Лагерфелд содржи над 200 скици на дизајнерот за модната куќа, интервјуа и реконструкција на спомени од креативните процеси, запечатени во видео.
Меѓу едно од најголемите достигнувања на Кајзер Карл за Fendi е создавање на логото, познато како двете “FF”.
Тие се збир помеѓу зборовите “кожа” и “забава”, кои на англиски почнуваат со иста буква.(“Fur” – кожа; “fun” – забава)
Кон ова се додава и од плетена кожа до кашмирен џемпер – една своевидна револуција кај техниката за обработка на материјали.
“Ние сме единствената луксузна модна куќа која има внатрешна работилница за кожа, произведува 70% од сопствената изработка и контролира 100% од квалитетот. Во краток преглед на искуствата, имаме 500 години од мајсторство во сопственото создавање. “, изјави извршниот директор Пјетро Бекари.
Книгата – кутија “Fendi by Karl Lagerfeld” ќе дебитира на светскиот пазар во јули, а дотогаш можете да ги видите некои од скиците на дизајнерот во нашата галерија.