Почетна / Актуелно / КОј добива а кој губи со ребалансот на БУЏЕТОТ?

КОј добива а кој губи со ребалансот на БУЏЕТОТ?

Почнува работата ба пратениците по ребалансот на Буџетот предложен од Владата. Најмногу амандмани, 706, поднела ВМРО-ДПМНЕ, а другите 134 амандмани се од партии од албанскиот политички блок.

Со него се предвидува дефицитот да остане 2,9 отсто од БДП, а растот да изнесува 2,2 проценти наместо првично предвидените 3 отсто од претходната влада и проектираните 2,8 од Светска банка, односно 2,7 отсто од НБРМ.

Скратени се сите непродуктивни трошења на Владата и на сите нејзини институции како што се службени патувања, презентации, економски промоции и рекламирање со што е направена заштеда на финансиски средства. Од Владата посочуваат дека обезбедени се средства за укинување на радиодифузната такса, за субвенционирање на минималната плата која од 1 септември треба да изнесува 12.000 денари, како за трајно решавање на проблемот со стечајните работници.

Предвидено е кратење на расходите од речиси три милијарди денари и на капиталните инвестиции за исто толку, но, како што појасни премиерот Зоран Заев, ќе се реализираат сите веќе започнати инфраструктурни проекти, а ќе се додадат и некои нови.

Вкупните приходи се проектирани на 184,7 милијарди денари, расходите на 203,3 милијарди денари, а буџетскиот дефицит на 18,6 милиајрди денари или 2,9 отсто од БДП.

Предвидено е со девет милиони евра да се дополнат сите активни политики и мерки за поддршка на нови вработувања, пред се за младите луѓе и за проектот „Гаранција за младите луѓе“ кој, како дел од Програмата на новата Влада, предвидува на секој млад човек, државата да му понуди вработување или дошколување, практика и тренинг за да биде конкурентен на пазарот на трудот и да сака да остане да работи во својата земја.

Со околу 135 милиони денари ќе се обезбеди поддршка на малите и средните претпријатија, како и на домашни гринфилд инвестиции, а 500 милиони денари се наменети за поддршка во привлекување на донации од ИПА програмата за интензивирање на активности поддржани од Европската унија во предпристапниот период.

Дури 840 амандмани стигнале до собраниската Комисија за финансирање и буџет, во која денеска ќе почне расправата за ребалансот на буџетот. Најмногу амандмани, 706, поднела ВМРО-ДПМНЕ, а другите 134 амандмани се од партии од албанскиот политички блок.

ВМРО-ДПМНЕ бара во преправениот буџет да се обезбедат пари за гасоводот Скопје – Тетово – Гостивар, како и за продолжување на гасоводот од Битола преку Ресен и Охрид до Струга и за гасификација на Скопје. Со амандманите се бара и обештетување на охриѓани кои имале материјални штети од земјотресите, како и пари за нови 50 електрични автобуси за Скопје и нова гимназија во Аеродром. Опозициската партија бара и пари за проектот „Купи куќа – купи стан“, како и за два кружни тека на булеварот Св. Кирил и Методиј – едниот кај поранешна „Нова Македонија“, а другиот на почетокот на булеварот, пред подвозникот кон Пржино.

Со ребалансот ќе има четириесет и седум милиони евра помалку за трошење. Од СДСМ велат дека се скратени непотребните трошоци, а парите се враќаат назад кон граѓаните.

Ребалансот на буџетот е на дневен ред и на собраниската Законодавно-правна комисија.

Покрај комисиите за финансирање и буџет и Законодавно-правната комисија денеска во Собранието седница ќе одржи и Комисијата за труд и социјална политика која ќе расправа по предлог измените на Законот за исплата на платите.