Koj e најсоодветниот партнер за секој хороскопски знак (Прв дел)

од Vladimir Zorba

Додека многу скептици го отфрлаат хороскопот, опишувајќи го како “глупост”, влијанието на астрологијата е поддржано од страна на поголем број научни докази.

На пример, според податоците на истражувањето, објавено на страниците на Nature Neuroscience, позицијата на планетите за време на породувањето влијае врз личноста, но води и до значителни функционални промени во мозокот.

Исто така одредува и со кој од останатите знаци во зодијакот имаме најдобра компатибилност. Во поголемиот дел земните знаци си одговараат најмногу со други земни знаци, водните со другите водни и т.н. но, тоа не е секогаш така.

Овен

Овните се впуштаат во животот без да се плашат од следната пречка што може да излезе на нивниот пат. Тие прво дејствуваат и подоцна мислат на изборите. Тие имаат решавачка, уверена страсна природа и храбро срце.

Родените под овој знак имаат потреба од возбуда и спонтаност во една врска и нема да се двоумат да го опсипат партнерот со љубов. Имаат потреба од човек кој има исто толку страсен однос кон животот.

Најдобра сеопфатна компатибилност: Лав, Стрелец

Најдобра компатибилност во врска: Вага

Бик

Претставниците на овој знак се разумни и практични луѓе кои не оставаат незавршена работа, освен тоа се и добри слушатели. Тие покажуваат голема претпазливост кон најблиските луѓе и понекогаш можат да бидат дури и опседнати.

Биковите се многу чувствителни и романтични и ќе останат верни на партнерот. Тие имаат потреба од некој чесен и сигурен човек кој ќе пројави трпение и ќе ги цени нивните квалитети. Родените под овој знак не сакаат да зборуваат многу, но имаат големо срце и најдобро одговараат со некој кој ќе остане до нив, и покрај сè.

Најдобра сеопфатна компатибилност: Девица, Јарец

Најдобра компатибилност во врска: Скорпија

Близнаци

Близнаците се сметаат за многу непредвидлив и сложен знак, бидејќи никогаш не можеме да разбереме која страна на личноста ќе се манифестира. Од една страна тие можат да бидат многу социјални, харизматични и флексибилни, но понекогаш се губат во сопствените мисли и можат да се покажат како многу сериозни и нерешителни.

Тие сепак имаат големо срце и нежна природа и можат брзо да се прилагодат на секоја ситуација. Близнаците имаат потреба од партнерка, која ќе им понуди одличен разговор и кој ќе ги стимулира и поттикнува. Тие имаат потреба од возбуда и страст во врската.

Најдобра сеопфатна компатибилност: Вага, Водолија

Најдобра компатибилност во врската: Стрелец

Рак

Родените под овој знак може да изгледаат многу сложени и тешки за запознавање, но под цврстата школка се крие целиот свет. Раковите имаат многу длабока, емотивна природа, тие се и едни од најкреативните луѓе со најголемата имагинација која некогаш ќе ја сретнеме.

Тие имаат енергија – љубовна како мајчината, и се однесуваат многу грижливо кон своите пријатели и семејството. Претставниците на знакот Рак се вистинити и имаат потреба од партнер кој исто така нема да ги предаде и ќе пројави трпение, бидејќи на нив им е потребно повеќе време за да дозволат некој блиску до себе.

Најдобра сеопфатна компатибилност: Скорпија, Риби

Најдобра компатибилност во врска: Јарец

Лав

Тие се родени лидери и сакаат да бидат во центарот на вниманието. Освен тоа се срдечни, љубезни, весели и страстни и нема да се запрат пред ништо, за да ги постигнат своите цели.

Лавовите се искрени, затоа нема да ни треба да се чудиме што мислат или чувствуваат. Тие едноставно ќе ни кажат. Имаат потреба од партнер со голема амбиција, хумор и оптимистичка перспектива за животот.

Најдобра сеопфатна компатибилност: Овен, Стрелец

Најдобра компатибилност во врска: Водолија

Девица

Девиците се исклучително аналитички, вредни и практични. Тие ги набљудуваат внимателно работите до најмалите детали и имаат многу методички пристап кон животот. Родените под овој знак може понекогаш да ја размислуваат дадена ситуација повторно и повторно, за да најдат решение за проблемот.

Во врската тие се вистинити и имаат потреба од истото од партнерот. Посветени се на својот партнер и сакаат да се се чувствуваат важни и посакувани од својот љубовник. Не ги покажуваат често љубовта и емоциите, но сепак се грижат за партнерот. На Девиците им треба човек со практичен пристап кон животот.

Најдобра сеопфатна компатибилност: Бик, Јарец

Најдобра компатибилност во врска: Риби

Утре очекувајте го продолжението на материјалот.

Слични содржини