Истражувања покажаа дека учење на втор јазик може да го подобри когнитивните функции. За жал ова не е лесна работа. Излегува сепак, дека дури краткорочното изучување е корисно, соопшти УПИ.
Шкотски научници открија дека студентите покажаа подобрена способност да го концентрираат вниманието по еднонеделно изучување на јазик. Истражувањето на научниците од Универзитетот од Единбург опфатило 33 учесници на возраст меѓу 18 и 78 години, кои го изучувале келтски дијалект. Тие биле тестирани за различни аспекти на будноста пред и по една недела обука.
Студентите би требало да го концентрира своето внимание врз некои звуци во серија тестови кои дозволиле да се процени нивната способност да бидат внимателни и да ги примаат информациите. Една недела по почетокот на курсот на обука резултатите на учесниците се подобрија.
Шест месеци подоцна оние од нив кои продолжиле да се обучуваат најмалку 5 часа неделно, постигнале подобри резултати во тестови за концентрација на вниманието.
“Три се поврзани со истражувањето важни пораки – изјави шефот на тимот Томас Бак од универзитетот. Прво, никогаш не е доцна да се започне проучување на јазик. Второ, дури кратка интензивна обука може да биде од корист за некои когнитивни функции, и трето, ефектот може да се одржува со продолжено учење. “