Крис Хемсворт има изглед, карактеристичен за грчките богови и не е чудо што ја одигра улогата на богот на громот – Тор, од екранизацијата на стрипот на Marvel.
Австралискиот актер сепак, сака да остане долу на земјата и да не се вообразува од славата, успехот и фановите.
Во новиот број на магазинот Vanity Fair, Крис вели дека и покрај извонредниот физички изглед тој не се смета за супермаж или суперхерој, туку се обидува да живее скромен, нормален живот.
“Првиоот чекор беше на мојот постар брат – Лук, кој започна да се снима во филмови прв. Јас го следев неговиот пат, а потоа нашиот најмал брат – Лиам ме следеше мене “, вели 32-годишниот среден брат Хемсворт. “Ние сме среќни што сме во бизнисот и можеме да си помагаме и да си ги чуваме грбовите. Освен тоа не се поштедуваме еден со друг од конструктивната критика. ”
Големиот пробив на Крис доаѓа неколку месеци по малата улога во “Star Trek” во 2009 година.
Тој се сеќава денес: “Имаше осум месеци помеѓу двата филма кога едноставно сите предлози кон мене запреа. Речиси бев изгубил трпение и се токмев да ги спакувам куферите и да се вратам во Австралија, кога ме поканија на аудиција за Тор. “
Другото е историја, по успехот на овој филм, Крис не е останува без предлози за филмови, па наскоро ќе го гледаме во лентата “Во срцето на морето”, а во почетокот на наредната година ќе излезе и продолжението на “Снежана и ловецот” – “The Huntsman Winter’s War”.
Денес, кога тој е суперѕвезда, таткото на три деца има сосема други стравови, кои не се поврзани со недостатокот на работа. “Страв ми е дека филмската индустрија е создадена за да ги претвори луѓето во нарцистичка, самољубљива природа. Не сакам да губам врска со реалноста. Затоа редовно одам на прошетки по улицата, за да се потсетам себе си за сите обични нешта кои претходно можев да правам ги непречено. ”