Кривична за тетовец кој еден месец присилно држел девојка во својот дом

од desk2

Тетовската полиција поднела кривична пријава против 20-годишниот М.Ф. (20) од тетовското село Пирок, поради сомнение за сторено кривично дело „противправно лишување од слобода“.

Како што информираат од МВР, М.Ф. на 06 октомври минатата година во Гостивар упатил закани кон Е.А. (18) од гостиварското село Сенокос, со што ја наговорил да влезе во такси возило со кое потоа се упатиле во домот на пријавениот.

Отако пристигнале, пријавениот и соопштил на Е.А. дека таа ќе му биде сопруга, по што ја држел во неговата куќа до 15 ноември 2017-та година. Тој ден, од телефонот од таткото на пријавениот, девојката се јавила на татко и.

Родителите и братот на Е.А., заедно со полициски службеници пристигнале во село Пирок и ја земале девојката.

Слични содржини