Лавров: Русија наскоро ќе протера британски дипломати

од desk2

Русија наскоро ќе протера британски дипломати како одговор на британската одлука за протерување 23 руски дипломати по труењето на поранешниот двоен шпион Сергеј Скрипал со нервен агенс. Тоа го изјави денеска рускиот министер за надворешни работи Сергеј Лавров.


– Тоа ќе се случи наскоро, изјави Лавров.

Тој додаде дека британските обвинувања дека Русија е вмешана во нападот се неприфатливи.
Како што објави вчера МИА, руската Амбасада во Лондон вчера соопшти дека протерувањето руски дипломати е непријателски акт што Британија го презема по труењето на Скрипал и неговата ќерка во Солсбери во минатата недела.
– Ова го сметаме како непријателски акт што е целосно неприфатлив, неоправдан и кратковид, се вели во соопштение од руската Амбасада.
Во соопштението се додава дека за влошените односи меѓу Русија и Велика Британија во овој момент апсолутно се одговорни актуелните британски политички лидери.

Слични содржини