Подгответе лесни, брзи и вкусни пирошки со готови кори. Овој рецепт нема да ви одземе многу време, а резултатот ќе ги задоволи вкусовите на целото семејство.
Состојки:
пола килограм готови кори
300 грама шумка
300 грама кашкавал
300 грама печурки
200 грама кисела павлака
300 грама газирана вода
100 грама презла
1 јајце
Подготовка:
-Сите состојки се мешаат добро.
-Потоа се редат две кори една врз друга, потоа се нанесува од филот по должина.
-Корите се мотат во ролат и се сечат по 30цм должина и стават во замрзнувач за да замрзнат.
-Замрзнатите пирошки се вадат од фрижидер и веднаш се пржат без да се чекаат да одмрзнат.
-Прво се потопуват во газирана вода па во јајце потоа во презлата и се пржат во загреано масло на умерена температура само неколку минути.
-Кога ќе поруменат од двете страни се сервира.
Пријатен апетит.