Кит Палмер е 48-годишен полицаец кој бил избоден до смрт од терористот пред британскиот Парламент, откако со автомобил “покосил” луѓе на Вестминстер мостот и се забил во оградата, а потоа тргнал во крвавиот поход.
На Палмер на помош му пришол државниот секретар при министерството за надворешни работи, Тобиас Елвуд, меѓутоа не успеал да го спаси.
Станува збор за човек кој 15 години минал во полицијата и бил член на дипломатската заштита на парламентарните пратеници.
Бројни пријатели и колеги му оддале почит преку социјалните мрежи, на кои Британците го прогласиле за херој. И полицајците ширум земјата му оддале почит.
Членот на парламентот Џејмс Клеверли, на својот профил на Твитер напишал: “Го знаев Кит 25 години. Заедно служевме во кралската артилерија пред да стане полицаец. Прекрасен човек, пријател. Срцето ми е скршено”.