114
Вицепремиерот на Шпанија Сорана де Сантамарија потврди дека владата ќе ги преземе ” сите неопходни мерки “, вклучувајќи активирање на член 155 од Уставот, ако автономен регион Каталонија еднострано прогласи независност во вторникот, за да се ” обноват демократијата и владеењето на правото “, информираат светските агенции.
Претходно премиерот на Шпанија Маријано Рахој исто така, рече дека ” нема да исклучи ништо во рамките на законот “, ако Каталонија одлучи да се отцепи.
Се очекува утре, каталонскиот водач Карлес Пучадедон да разговара со локалниот парламент и на крајот да прогласи независност.
Но, Сантамарија предупреди дека ако ” еднострано се прогласи независност , ќе има последици”.
Член 155 од Основниот закон на Шпанија може да и дозволи на мадридската влада да ја укине автономијата на Каталонија , да го распушти локалниот парламент и да интервенира во администрацијата на регионот.
Сметано како екстремна мерка, таа никогаш не се применувала во историјата на земјата.