Стотици Мароканци, Алжирци и Пакистанци се обиделе да ја минат границата меѓу Македонија и Грција кинејќи дел од бодликавата ограда и барајќи да им биде дозволено да го продолжат патот кон северот на Европа.Но тоа е спречено и полицијата ги блокира.

Околу илјада и петстотини мигранти се заглавени во близина на градот Идомени откако Европа реши да ги филтрира мигрантите, дозволувајќи влез само на оние што бегаат од со војна зафатените Сирија, Авганистан и Ирак. Некои од нив фрлале камења врз полицијата, додека други на колена извикувале „Сакаме да одиме за Германија“. Неколкумина успеале да влезат на македонска територија но набрзо биле фатени од полицијата.Тие се упорни во барањето Македонија да им дозволи да ја преминат границата и да се упатат кон Србија и покрај мерките со кои тие се сметаат за економски мигранти , а не за бегалци а со тоа не ги исполнуваат условите за азил во земјите од ЕУ. Состојбата дополнително ја усложнуваат грчките полицајци кои не прават ништо да ја смират толпата. За разлика од нив, поголем дел од жени со мали деца, постари луѓе го напуштија кампот во Идомени и се упатиле  кон внатрешноста на Грција

Над 800 илјади бегалци и мигранти од Блискиот Исток, Азија и Африка пристигнаа во Европа преку Турција и Грција. Обединетите нации ги осудија новите рестрикции базирани врз националноста на мигрантите и бегалците.