Мајкл Бубле (41) и Луисана Лопилато (29) во петокот ја објавија веста, дека нивниот 3-годишен син има рак и ја замолија јавноста за приватност, додека се справуваат со сериозната болест. Веднаш по објавувањето започнаа да се шират различни шпекулации, а сега, сестрата на Луисана, Даниела, ги негираше гласините дека момчето има леукемија.
“Ве молиме да не се шпекулира што се случува со малиот, бидејќи сите кои имаат деца можат да разберат колку е тешко за родителите да се справат со овој вид на вести. Сè друго што можам да кажам е дека Мајкл и мојата сестра, сами ќе објават било какви вести што ќе сакаат да ги споделат со јавноста” вели таа во соопштението.
Покрај тоа, таа рече дека целото семејство е “скршено на половина”, поради оваа тажна вест.
Пријател на двојката, пак вели дека Мајкл и Луисана се многу тажни, но, исто така и полни со надеж и позитивни мисли, бидејќи малиот Ноа е борец и веруваат дека ќе успее да ја победи оваа тешка болест.
