Македонија во тешка група на ЕП во Хрватска

 

Македонија на ова извлекување беше сместана во вториот барабан, благодарение на одличните квалификации и освоеното прво место во групата каде играше со Чешка, Украина и Исланд.

За свои противници на шампионатот, Македонија ги доби селекциите на Словенија, Германија и Црна Гора, сместени во „групата Ц“, натпревари кои ќе се одиграат во Загреб.

Во „групата А“ во Сплит, покрај домаќинот Хрватска, се и селекциите на Исланд, Србија и Шведска.

Во Пореч ќе се одиграат натпреварите од „групата Б“, помеѓу Франција, Норвешка, Австрија и Белорусија.

И, во „групата Д“, во Вараждин, Шпанија, Унгарија, Чешка и Данска.

Пласман во втората фаза обезбедуваат првите три репрезентации од секоја група.

Во оваа фаза вкрстуваат А и Б од Сплит и Пореч и шестте селекции од овие групи потоа се селат во Загреб. Вараждин останува домаќин и во втората фаза на ЕП на вкрстената група со репрезентациите од Ц и Д.

Европското првенство во Хрватска ќе се одржи од 12 до 28 јануари.