110
Францускиот претседател Емануeл Макрон истакна на Светскиот економски форум во Давос дека Европската Унија годинава ќе мора да се реформира со цел да може да се натпреварува со големите сили како што се САД и Кина.
Макрон рече дека амбициозните членки на ЕУ треба да овозможат брзо движење кон поголема интеграција, дури и ако другите членки не сакаат да се придружат.
„Помалку амбициозните не треба да ги блокираат амбициозните во просторијата“, наведе францускиот претседател.
Додаде дека земјите што го користат еврото мора да се договорат за посилен и поправеден систем, а членките на ЕУ да ги координираат своите даночни политики.