Макрон најави дека ќе ја реформира Европската унија

По стапувањето надолжноста претседателот на Франција Емануел Макрон изјави дека има потреба од реформира на Европската унија.

Во својот прв официјален говор по преземањето на функцијата, Макрон истакна дека Европа треба да стане подемократска и дипломатска, пишува весникот Le Monde.

“Потребна ни е поефикасна Европа, подемократска, повеќе дипломатска, бидејќи таа е алатка на нашата власт и нашиот суверенитет. Јас ќе работам за тоа “, рече Макрон. Според зборовите на Макрон, во моментов е време за “исправање на Франција”, затоа што светот и Европа имаат потреба од неа повеќе од кога било.