149
Првиот човек на загрепски фудбалски клуб Динамо, Здравко Мамиќ, изјави дека доколку го осудат ќе изврши самоубиство во затвор исто како Слободан Праљак во Хаг.
На Мамиќ во моментов му се суди дека со трансфер на фудбалери ја оштетил Хрватска за 16 милиони евра.
– Не сум виновен. Мене ми ги измислија тие дела за кои ми судат. Немам друга опција освен да се борам на суд. Но, ако морам да одам во затвор, ќе направам исто како Праљак. Јас сум верник и католик и тоа во мојата вера е недозволиво. Но, кога видов што направи тој, ме инспирира и јас без никаква грижа на совест истото би го сторил. Никогаш во живот не би влегол во хрватски затвор невин, изјави Мамиќ.