(ВИДЕО) Манастирот "Сан Бенедето" во Италија е разрушен по земјотресот

image_5842554_126

Манастирот “Сан Бенедето” во градот Норча, Провинцијата Перуџа, Централна Италија, е разрушен по силниот земјотрес што го погоди реонот утринава, соопшти агенцијата Sputnik, повикувајќи се на пост на социјалната мрежа Twitter од страна на божјите служители. Засега нема податоци за човечки жртви.

Италијанската служба за цивилна заштита соопшти дека на повеќе локации во централна Италија се урнати згради од земјотресот со интензитет од 6,6 по Рихтер што го потресе утрово тој дел од државата. Засега нема официјални информации за жртви.

Телевизијата РАИ објави дека потресот бил толку силен што бил почувствуван во Рим. Земјотресот бил почувствуван и во Хрватска, Словенија и БиХ.