Со доаѓањето на новата сезона е време да се обрне внимание и на некои акценти во машката мода. Каков ќе биде ликот на мажот за есен-зима 2015? Трендовите ветуваат стилско емитување во повеќе бои и најмногу парчиња во кои господата ќе се чувствуваат удобно.

Обрнете внимание на дезените и тоа како може да ги комбинирате: риги, каре, точки. Една од најпознатите бои за машки костум е сивата. Во сите нејзини варијанти сивата е одлична боја, но има потреба од мали обоени акценти.

Може да го комбинирате со малина, пепелаво розе, сина, кафеава. Во овој имиџ има комбинација на пет бои и три дезени. Бидете внимателни при комбинирањето на дезени бидејќи е многу лесно да ја преминете границата и изгледот да не биде стилски.

Кажете “Да” на светлите бои не само кај топлите џемпери, но и кај горната облека. Еден секојдневен пријатен изглед е оној во кој водечката боја е топлото жолто. Боја, кој се комбинира одлично со сините нијанси, зелена, црвена, сива, црна. Во ладните денови не заборавајте и за стилски додатоци како топлите шал-јаки и ракавици.

Геометриските фигури ќе бидат дел и од машката мода за следните сезони. Топлите елеци и други трикотажи за сезоната во убави комбинации на бои, дезени и фигури се одлично дополнување на класичната панталона и кошула. Една свежа визија во зелена, кафеава и сина.

Класичниот елегантен изглед ќе биде во свежите бои. Сивата е новата црна. Панталоните се стеснуваат кон глуждот, имаат раб, јаките на кошулите се големи, вратоврската е акцент во имиџот. За финале мантил или палто повторно во класична линија, но во светла боја.

Кога сакате да се создаде совршен изглед, обидете се да употребите во него не помалку од три бои и не повеќе од пет.