Милан подготвува понуда за Фабрегас во текот на летото

Милан сака да го привлече полудефанзивецот Цеск Фабрегас од Челзи во текот на летото, пишува британскиот “Телеграф”. Италијанскиот фудбалски гигант е подготвен да понуди 32 милиони евра за 29-годишниот шпански репрезентативец.

Фабрегас ги отфрли сите добиени понуди во Јануари, велејќи дека единствена желба му е да остане на “Стемфорд Бриџ”.

Шпанецот, сепак, почесто е резерва во составот на Челзи, иако во 22 официјални натпревари за лондночани во оваа кампања тој има 5 гола и 8 асистенции.