Новинарот Веле Митаноски преку Фејсбук му одговори на Богдан Илиевски од иницијативата „За заедничка Македонија“, кој ги повика граѓаните да бидат спремни, по обраќањето на Заев и најавата за избор на собрански претседател. Еве го Фејсбук статусот на Митаноски:
Боби, ти се чедо на пријатели-угледни грагани на Охрид. Боби, сине, симни се од небесата на заблудите!
Наврати и се на мислата на Гете од Фауст: Човекот има две души, една која го воздигнува во небото, друга која го влече по земјата!
Препрочитај го уште еднаш Е.Хемингвеј: На највозвишените крстопати на животот, нема никакви знаци (и предупредувања), потребно е самиот да ги препознаеш!
Онаму каде што е љубовта, сине, таму не продира темнината! Таму каде се љубиме, никогаш не е мрак! Омразата ја храни одмаздата, простувањето не ослободува!
Послушај го, барем уште еднаш, чичко Веле: Ти се чедо кое ја минало школата на Супер Радио!
Чичко Веле, не те грди, само те советува: Не се пишува спремни, туку подготвени! Ти, нели се бориш за македонската кауза? Јазикот, деца, ни е последната татковина – ме учеше мојот даскал – горостасот од Небрегово, Блаже Конески.