Москва смета дека првиот ден на преговорите за Сирија е успешен

Москва го смета за успешен првиот ден на средбата во Астана каде се разговара за мир во Сирија. Ова, го изјави специјалниот претставник на рускиот претседател за сирискиот конфликт Александар Лаврентиев, шеф на руската делегација на преговорите во главниот град на Казахстан, пренесува ТАСС.
“Ние сметаме дека првиот ден беше доволно успешен, пред се успеавме да откриеме и да ја спроведеме меѓународна средба за наоѓање на решение за Сирија.

Сметам дека настанот е доволно историски со тоа што успеавме да го откриеме во присуство на земјите-гаранти, специјалниот претставник на ОН Стефан де Мистура, амбасадорот на САД во Казахстан и делегациите на сириската влада и вооружената опозиција “, истакна Лаврентиев.