Му здосадило: Откако 500 пати ги изгледал анимираните филмови на Дизни со ќерките, решил да ги „затемни“

Сите сме биле деца и сме обожувале цртани филмови, всушност сè уште ги обожуваме и како возрасни. Но кога си дете, интересно е што не ни било досадно еден цртан филм да го изгледаме милион пати. Порано можеле да не излажат, еј се скина лентата на касетата, еј се изгреба CD-то нема веќе цртани по цели денови, но денес со торентиве и компјутерскава младина е друга приказна.

Еден татко го осетил ова на своја кожа, имајќи две ќерки, и немајќи друг излез тој бил обврзан да ги гледа сите цртани филмови на Дизни, по милион пати.

„После околу 500-тиот пат од Малата сирена, решив да ќе ги прецртам ликовите од цртаните во мрачен стил, каков што користам за Инктобер(секоја година во октомври, уметници од целиот свет се вклучуваат на предизвикот секој ден да цртаат по еден цртеж со мастило). Малку пасивно-агресивно од моја страна, но сеедно. Ги сакам моите девојки, но исто така сакам да ги уништувам нивните омилени цртани филмови со моите морбидни верзии”.