МВР со фоторобот за убиецот на Дилавер Бојку, но без осомничен

од desk2

МВР интензивно трага по убиецот на Дилавер Бојку Леку кој вчера пукал пред полна плажа. Од извори во истрагата, дознаваме дека веќе е направен опис на сторителот и активно се пребаруваат локации, но се уште нема осомничен.

Министерството за внатрешни работи трага по машко лице на возраст од околу 30 години, слабо развиен, а висок до 170 сантиметри. Како што дознава телевизија 24, за време на вчерашното пукање, напаѓачот на Бојку бил облечен во темна маица со кратки ракави, темни кратки пантолони и темни летни сандали на нозете. На главата носел бела летна капа и темни очила за сонце.

Напаѓачот се упатил во непознат правец, а полицијата трага на локации на кои би можел да се наоѓа. Во текот на денот, следат повеќе детали за убиството на струшкиот таканаречен „бос на проституцијата“./24 Вести

Слични содржини