Петнаесет руски пилоти на цивилната авијација направија голем скандал кога на една журка танцуваа полуголи со Бени Бенаси. Снимката брзо се најде на социјалните мрежи, а дисциплинската комисија се уште не пронашла адекватна казна.
Пилотите на снимката која е направена во најценетата тренинг академија во Русија, направија пародија на ЛГБТ спотовите, во садо-мазо костими со наслов „Зошто е подобро да не летате со авион“.
Иако помладите кориснички на социјалните мрежи беа одужевени од нивното мешање со задниците и извајаните тела, остатокот од Русија се згрозува. Петр Тимофеев, командант на единицата и дисциплинската комисија на авијацијата вели дека не сака да го коментира однсувањето на руските пилоти.
„Седам во канцеларија и не знам што да направам. Ќе го решиме ова како што знаеме. Во авијацијата сум 20 години и прв пат гледам нешто вакво. Снимката ме боли затоа што толку вложивме во овие момчиња, а тие ни враќаат вака“, вели тој.
Со оглед на тоа дека пилотите се гордост на модерна Русија, оформена е посебна комисија која ќе одлучи на кој начин ќе ги казни младите пилоти.