Најсексапилните “маќеи“ во Холивуд

Зборот “маќеа” има негативен призвук, но во Холивуд има некои маќеи кои заслужуваат признание и воопшто не се лоши жени кои ги малтретираат посвоените деца.

Овие жени со години покажуваат дека кога се омажиле за својот омилен маж, се поврзале безусловно и со неговите деца од претходниот брак / врска. Една од овие познати дами е новата сопруга на Џони Деп – Амбер Херд.

Убавата актерка брзо успеа да се зближи со 15-годишната ќерка на Џони од неговата врска со Ванеса Парадис – Лили-Роуз (а и со неговиот син Џек). Двете дами редовно се лоцирани на шопинг заедно низ сончевиот Ел Еј.

Тие дефинитивно не можат да ја одиграат класичната приказна за злобната маќеа и невината доведена ќерка, бидејќи се доста блиски по возраст (имаат разлика од само 13 години) и повеќе личат на сестри.Веројатно и Џони е задоволен дека двете најважни жени во неговиот живот се во добри односи.