Маскирани со безбол палки ги нападнале бегалците,сместени во Визмар во покраината Мекленбург, при што две лица се повредени, јавуваат денеска германските медиуми.

Инцидентот се случил синоќа кога двајца Сиријци додека стоеле пред кампот без никаков повод биле нападнати од маскирани луѓе, вооружени со безбол палки.Повредените се пренесени во болница.

Напаѓачите побегнале, а полицијата засега безуспешно трага по нив.

Во Германија зачестија нападите на бегалците, а министерот за внатрешни работи Томас де Мазиер изрази загриженост бидејќи до октомври биле извршени 490 кривични дела и напади на бегалски домови.

-„Тоа е брука за Германија. Насилство и омраза не смее да се толерира.“-рече Мезиер.