144
„Ова е чекор во вистинската насока и нешто што е правилно направено. Охрабрувам бргу да се формира новата влада, навремено да се изгласа во Собранието и конструктивно да се однесуваат сите партии. Тоа е важно за земјата да почне да се фокусира на реформите, кои ѝ се итно потребни. Апелирам да се продолжи со напорите за унапредување на евроатлантските аспирации на земјата“.
Ова стои во пишаната изјава на генералниот секретар на НАТО Јенс Столтенберг, поздравувајќи ја одлуката на претседателот Ѓорѓе Иванов да му го даде мандатот на лидерот на СДСМ, Зоран Заев за да формира влада.