Во ресторанот Балканика рустикана во скопскиот парк попладнево заедничко кафе пијат министерот за здравство во техничката влада и пратеник, Никола Тодоров и екс вицепремиерот и висок функционер во ДУИ, Муса Џафери.
Кафето го пијат сами а на соседната маса е сопругата на Тодоров. Обезбедувањето на Џафери не дозволил на очевидецот кој ни јави за средбата да ги фотографира.
Тодоров за да покаже блискост со Џафери го гушкал пред гостите во ресторанот.
Џафери и приврзаниците сепак беа надгласани и ДУИ му ги даде 10-те потписи на нејзините пратеници за коалиција со СДСМ за влада на која премиер би бил Зоран Заев.
Во 8-те години заедничко владеење на ВМРО-ДПМНЕ и ДУИ во медиумите се објавуваше дека тогашниот вицепремиер Муса Џафери има исклучително блиски врски со екс шефот на УБК, Сашо Мијалков, а тоа можеше да се слушне и од објавените „бомби“.