Партиските преговори за медиумските реформи завршија без договор.  Ова пред половина час го изјави белгискиот експерт Питер Ванхауте пред Клубот на пратениците каде што веќе  два дена се одржуваа интензивни преговори.

Ванхауте рече дека сите претставници на политичките партии се подеднакво одговорни.

Различните гледишта на партиските лидери кои ги донесоа до неуспешен договор од последната точка од пржинскиот договор- за медиумите, беа иницирани од неколку точки кои треба да се спроведат. Имено, главните несогласувања се околу составот на Агенцијата за медиуми. Олеснувачот Питер Ванхауте рече дека тие мора да бидат независни, бидејќи од нив зависи дали медиумите ќе функционираат објективно.

Утре нема да има преговори за реформите во медиумите, туку се очекува да биде објавена оценката на ЕУ и САД за подготвеноста на замјата за организирање на избори.