Нема прецизна најава за дислокација на споменикот „Воин на коњ“. Министерството за култура има изработено елаборати, но се уште не е потврдена ваквата акција.
„Во однос на останатите проекти се уште не преземаме актвности. Ова е динамичен период во кој големите политички прашања се решаваат позитивно за Македонија и не брзаме со решенијата.“ – изјави Роберт Алаѓозовски – министер за култура.
Премиерот Зоран Заев, во интервју за ТВ24, изјави дека споменикот на „Воин на коњ“ на централниот плоштад во Скопје нема да се урива и дека тоа не е ниту прашање во разговорите со Грција.
„Тоа не е прашање во разговорите.“ – изјави Зоран Заев – премиер во 24 Анализа.
Претходната Влада, предводена од поранешниот премиер Никола Груевски, потроши околу 9 милиони евра за негова изградба.