Идејата за жичана ограда на македонско-грчката граница предизвикува голема нервоза во Грција. Грчките медиуми пренесуваат дека поради ова и забавениот влез на мигранти, огромен број бегалци и мигранти остануваат заглавени во Грција, голем дел од нив во областа на градот Идомени. Локалното население и градската самоуправа се жалат дека веќе немаат капацитет за помош и бараат од грчката влада да реагира и да постави центри и прифатилишта за бегалците во овој пограничен регион.

11909787_1487540784894361_215368945_n

Поставувањето ограда ги разбуди духовите и кај политичките партии. Пратеникот на Нова демократија и поранешен министер за внатрешни работи, Никос Дендиас, остро ја критикуваше владата на премиерот Алексис Ципрас што дозволила да се направи овој чекор.

– Јас ја предупредив владата дека ќе се заглават во Грција бегалците ако Скопје ја затвори границата, но владата беше целосно незаинтересирана – изјави Дендиас во интервју за радиото „Параполитика“.

Грчкиот Премиер и Претседател разговараа околу спорот за името

Дендиас упати и директно пратеничко прашање до владата што планира да биде следниот чекор.

Пратеникот бара да се одговори дали грчката влада била претходно известена дека македонската планира да подигне ограда и дали овој чекор е во согласност со договорот од Брисел и што планира да направи за да се контролира оваа ситуација, секако во согласност со Европската унија.

– Како владата го гледа заглавувањето на илјадници мигранти во Грција од аспект на фактот на нивна заштита и згрижување, но и заштита на јавната и националната безбедност по нападите во Париз? – праша Дендиас, истакнувајќи дека политиката на отворени граници која со месеци ја следела владата на СИРИЗА е виновна што Грција е земјата во која ќе останат заглавени огромен број бегалци.

 

МЕТА

Слични содржини