„Вчера, пред да бидат изброени гласовите, снимив видео во кое на американскиот народ му реков дека утре наутро сонцето ќе изгрее, и тоа е една од малкуте прогнози што всушност се остварија“, рече американскиот претседател Барак Обама во говорот по повод изборите во САД.
„Знам дека сите имаа долга ноќ. Исто како и јас“, рече Обама и додаде дека зборувал со идниот претседател Доналд Трамп.
„Не е никаква тајна дека новоизбраниот претседател и јас имаме некои прилично значајни разлики. Но сетете се дека пред осум години претседателот Џорџ Буш и јас имавме многу значајни разлики…“
„Функциите претседател и заменик-претседател се поголеми од сите нас. Сите ние сега навиваме тој да успее во обединувањето и водењето на оваа земја. Мирното пренесување на власта е еден од столбовите на нашата демократија.“
Во однос на Клинтон претседателот рече: „Не може повеќе да се гордеам со неа… Се гордеам со неа. На многу Американци им е идол… Нејзината кандидатура и номинација беа историски.“