Претставникот на ОБСЕ за слобода на медиуми, Дуња Мијатовиќ. денеска го осуди нападот во Скопје врз Саше Ивановски од страна на вицепремиерот за економија Владимир Пешевски, како и заканувачкото соопштение на владејачката партија ВМРО ДПМНЕ.
„По инцидентот владејачката партија објави соопштение во коешто го критикуваше новинарот дека бил провокативен додавајќи дека новинарите ќе ги сносат последиците доколку ја загрозат приватноста, слободата и правата на било која индивидуа. Ужасно е тоа што по нападот владејачката партија го осудува новинарот поради провокација, а не го осудува самиот напад“, рече Мијатовиќ.
“Јавните службеници и политичарите мора да имаат повисок степен на толеранција за критичкото известување и имаат должност да ги заштити сите новинари“, рече таа.
Мијатовиќ го поздрави фактот дека Пешевски потоа јавно се извинил, но е критична кон изјаата и заканите кои доаѓаат од владејачката партија.