Во ракометната Лига на шампиони вчеравечер се одиграа четири натпревари од претпоследното 9-коло.ракомет

Екипата на Рајн Некар Левен славеше очекувана победа над Кристијанштад со 29-20, а со новите бодови, германскиот тим сега го презеде водечкото место во „Б’’ групата од Барселона. Во оваа група во сабота својот меч од 9.коло ќе го одигра македонскиот првак Вардар кој гостува во Полска кај Киелце.

Во групата „А’’ составот на ППД Загреб со 32-26 го победи турски Бешикташ.

Два натпревари се одиграа во „Ц’’ групата, во кои минимални победи остварија, Чеховски Медведи над Порто со 30-29, односно, Татран Прешов кој во Нови Сад ја победи Војводина со 25-24.

Останатите натпревари ќе се играат во сабота и недела.

Комплетни резултати и двојки:

А група: Фленсбург – Висла Плок 27-25, ППД Загреб – Бешикташ 32-26, Веспрем – ПСЖ (сабота) и Целје – Кил (недела).

Табела: ПСЖ 14 бодови, Фленсбург 14, Веспрем 13, Кил 8, ППД Загреб 8, Висла Плок 7, Целје 2 и Бешикташ 2.

Б група: Рајн Некар Л. – Кристијанштад 29-20, Киелце – Вардар (сабота од 16 часот), Колдинг – Барселона (недела) и Монтпеље – ПИК Сегед (недела).

Табела: Рајн Некар Л. 13 бодови, Барселона 13, Вардар 10, Киелце 10, ПИК Сегед 10, Кристијанштад 4, Монпелје 4 и Колдинг 2.

Ц група: Чеховски Медведи – Порто 30-29, Војводина – Татран Пресов 24-25 и 18:00 Ла Риоја – Мешков Брест (сабота).

Табела: Мешков Брест 12 бодови, Ла Ријоха 12, Порто 12, Чеховски Медведи 8, Војводина 4 и Татран Прешов 4.

Д група: Мотор Запорожје – Кадетен Шафхаузен (сабота), Баја Маре – Елверум (недела) и Мететалург – Скјерн (недела од 18:30 часот).

Табела: Мотор Запорожје 12 бодови, Скјерн 11, Кадетен Шафхаузен 9, Баја Маре 9, Металург 4 и Елверум 3./МИА

Слични содржини