Оваа сабота, во рамки на Техноинвент 2016 кој се одржуваше во склоп на Технома на Скопскиот саем, за прв пат ексклузивно беше најавено 5тото јубилејно издание на технолошкиот фестивал Codefest. 
Оваа роденденска едиција на Codefest Tech Festival е закажана за април 2017, а точниот датум наскоро ќе биде објавен. Локацијата останува убавиот Охрид. Настанот е една од редовните програми на Стартап Зона и во текот на неговите изданија забележува голем органски раст и интерес.
Јубилејното издание на Codefest Tech Festival ќе содржи повеќе програмски активности, како Codeference – еднодневна конференција на која интернационални предавачи од целиот свет ќе говорат на жешки теми од технологијата и стартапите; CFX-Business Expo на кое компании и стартапи ќе можат со свои штандови да ја презентираат нивната работа и да остварат интересни соработки; и секако, добро познатиот Codefest Marathon, познат како 32-часовен натпревар во програмирање и развој на технолошки идеи, кој завршува во финални pitch презентации.
Новитет на Codefest Tech Festival оваа година е што Codefest Marathon за прв пат покрај за јуниори (до 16 години) и за студенти (од 17 години до мастер студии), настанот ќе биде отворен и за професионалци (вработени, freelancer-и, или не било кој начин, не-студенти). Трите траки на маратонот:Junior, Student и Pro претставуваат посебни категории и награди ќе се доделуваат за секоја категорија одделно.
Рани резервации на карти за Codeference веќе се објавени на линкот: http://codefest.eu/codeference#Registerпо цена од 20 евра се во 1ви ноември. Исто така, веќе можат да се прават резервации и за CFX-Business Expo на следниот линк: http://codefest.eu/cfexpo#Join. Од Стартап Зона најавуваат дека апликациите за тимови за Codefest Marathon наскоро ќе бидат објавени за сите три категории. Настант на Фејсбук можете да го следите тука.