Основачот на Алибаба со црна прогноза: Во следните 30 години светот ќе види многу повеќе болка отколку среќа

Основачот на Alibaba Group и најбогат човек во Кина Џек Ма изјави дека автоматизацијата на производството и Интернет во наредните 30 години ќе донесат на светската економија многу повеќе страдања отколку радост. Тој ги повика сите да се научат да живеат во новиот свет и да го променат системот на образованието, пренесоа Bloomberg.

Во наредните 30 години светот ќе види многу повеќе болка отколку среќа. Социјалните конфликти ќе влијаат на сите сектори и сфери на животот, изјави Џек Ма. Тој исто така објасни дека роботите не можат целосно да ги заменат луѓето, а треба да им станат пријатели и соработници.