НЕСТАБИЛНО ВРЕМЕ- локално невреме

До сабота подрачјето на Македонија ќе биде под влијание на неколку влажни воздушни бранови, па времето претежно во попладневните часови ќе биде променливо облачно и нестабилно со поројни врнежи од дожд и грмежи.

Денес од пладне ќе има услови за локално невреме со појава на град и засилен ветер.

Утре ќе биде претежно облачно преку целиот ден и се очекуваат пообилни врнежи од дожд, особено во јужните делови. На места вкупните количества може да надминат 45 литри на квадратен метар. Во Скопската котлина и на северот врнежите ќе продолжат и преку ноќта. Во петок и сабота врнежите ќе бидат полокализирани и ќе се повеќе кон исток, а и ќе дува повремено засилен северен ветер.

По денешните и утрешните малку пониски дневни температури, кон деновите од викендот температурата ќе биде во постепен пораст.