“Либерија Аква Алта” е една од најоригиналните книжарници во светот и место кое стана задолжителна станица за туристите, но и за локалното население. Таа се наоѓа во близина на плоштадот Сан Марко во Венеција.
Во Венеција еднаш годишно се случува нешто што локалците го нарекуваат “висока вода”, по која нестандардното место за читање “Либерија Аква Алта” е поплавено. Ова сепак не ја попречува работата на книжарницата, бидејќи во овој период книгите пливаат во своите гондоли, чамци и кади.
Во поплавувачката книжарница можат да се најдат нови и користени книги, но тоа не ја прави посебна. Во неа се влегува директно од еден од главните венецијански канали и пред неа има маса со клупа на која посетителите можат да се одморат и да прегледаат книги кои ги интересираат.
Внатрешноста на книжарницата е создадена за да се забавуваат посетителите – редови и купишта книги, наредени во чамци гондоли, кади, гајби … т.е. сите предмети кои можат да пловат.
Светскиот патник и полиглот Луиџи Фриц ја отвора книжарница пред околу десет години, а од тогаш местото се етаблира како една од најинтригантните глетки на Венеција.