Преговорите меѓу грчката Влада и доверителите во Брисел завршија доцна ноќеска и се очекува да бидат обновени денеска наутро, пред средбата на министрите за финансии од еврозоната, пренесоа агенциите.

Не се соопштува каков е резултатот.

Преговорите за спречување на неликвидност на Грција удрија на камен вчера и министрите за финансии од еврозоната ја обвинија Атина дека одбива да направи компромис и покрај истекот на крајниот рок следната недела, по кој таа може да банкротира, додава Ројтерс.