Болките во грбот се нешто што страшно многу луѓе го доживуваат. Тие можат да ги попречат сериозно дневните активности, не само да го влошат расположението. Болките и вкочанетоста во грбот предизвикуваат сериозна непријатност, ја намалуваат можноста за нормално движење и предизвикуваат голем број индиректни здравствени проблеми.
Со природни средства можете да ги ублажите значително болките во грбот.
Масажи со етерични масла
Некои етерични масла имаат позитивен ефект врз грбот. Тие ги смируваат болките, ги опуштаат зафатените места и ја враќаат можноста за нормално движење.
Меѓу најдобрите масла против болки во грбот се оние од ѓумбир, нане, рузмарин, куркума, еукалиптус. Тие имаат смирувачки и анти-инфламаторен ефект.
Јога
Јогата им овозможува на тетивите да ја вратат еластичноста. Таа е многу важна со оглед на нормалното движење на мускулатурата. Спроведувањето на различни јога пози ја подобрува положбата на ‘рбетот, ги ублажува болките, придонесува за корисно истегнување и релаксација на грбот и целиот скелет.
Бањи со англиска сол
Англиската сол има опуштувачко и смирувачко дејство. Таа е позната по смирувачките придобивки во однос кичмата и мускулатурата која ги движи. Корисна е уште при вкочанетост на екстремитетите, вкочанетост, главоболка, немир и пренапор.
Контролирајте ги позите за спиење
Не сфаќајте колку штетни можат да се нашите омилени пози за спиење. Сонот е времето во кое телото и мускулите треба да го набават потребниот одмор. Ако сепак не спиете во правилните положби за спиење , ефектот ќе биде токму спротивниот.
Од големо значење се исто ергономскиот и удобен душек и перница. Тие се особено препорачливи при чести болки во ‘рбетот.
Промени во исхраната
Исхраната има големо значење за справување со болките во грбот и вкочанетоста. Потрошувачката на штетна храна и состојки ја влошува состојбата и предизвикува дополнителни воспаленија. Меѓу овие супстанции се трансмастите, шеќерот, засладувачи, заситените масти, газираните пијалоци.
Променете ја исхраната за да се справите полесно со болката во грбот. Вклучете повеќе омега-3 масни киселини и магнезиум, кои имаат докажано смирувачки и анти-инфламаторен ефект. Јадете повеќе риба и зеленолистен зеленчук. Тие се богати со овие хранливи материи.