Тим научници од универзитетот Витс во Јоханесбург, Јужна Африка направија голем чекор напред во областа на биомедицинскиот инженеринг. Според извештајот објавен во Медицинскиот Експрес, за првпат научниците нашле начин да го поврзат човечкиот мозок на Интернет и тоа во реално време.
Проектот се нарекува “Brainternet” и буквално го претвора мозокот во мрежа на Интернет на нештата (IoT).
Проектот работи со прифаќање на мозочните EEG бранови, нивно собирање на посебен EEG уред поврзан со главата на корисникот.
Сигналите потоа се проследуваат кон нискобуџетен компјутер Распбери (Raspberry Pi), кој од своја страна прави Стриминг на интерфејс за програмирање на апликации и визуелизира податоците на отворена страница, на која секој може да види дејноста.
Адам Пантановиц, супервизор на проектот и професор во училиштето во електро – и информациско инженерство на Универзитетот Витс, вели: “Brainternet претставува надминување на нова граница во областа на мозокот – компјутерските интерфејс системи. Постои недостаток на знаење за тоа како функционира човечкиот мозок и како ги обработува информациите. Brainternet има за цел да го поедностави човечкото разбирање на мозокот. Ова е преку постојано набљудување на активноста на мозокот, како и преку некоја интерактивност. ”
Интелектуален мускул
Пантановиц вели дека ова е само почеток на способностите на проектот. Тој додава дека тимот сега се стреми да го зголеми интерактивното искуство на корисникот со неговиот мозок. Некои од овие карактеристики се веќе интегрирани на веб-страницата, но во тесни граници, на пример, ограничени на стимулации, како што се рачно движење.
“Brainternet може да има подобрува уште многу – за класификација на записи преку апликации за smartphone, кои ќе обезбедат податоци за алгоритам за вештачката интелигенција преку т.н. машинско учење. Во иднина ќе има информации што ќе тече во двете насоки – како излезни сигнали од мозокот така и дојдовни кон него “, вели Пантановиц.
Идните апликации за овој проект би можеле да доведат до возбудливи откритија во учењата и цереброваскуларни компјутерските интерфејси како Neural Lace на Илон Муск и Kernel на Брајан Џонсон. Податоците собрани во овој проект ќе придонесат за подобро разбирање на активноста на мозокот и како да ги искористат предностите на знаењето за да додадат моќ на мозокот.