Украденото шише вотка, за кое се наведува дека е најскапо на светот и кое беше украдено од ресторан во Копенхаген порано оваа недела, пронајдено е празно на едно градилиште во данската престолнина соопшти полицијата.
„Не знам што се случило со вотката, но шишето беше празно“, рече портпаролот на Ријад Туб.
Шишето, чија вредност е проценета на 1,3 милиони долари, сочинето е од три килограми злато и исто толку сребро, со затворач во вид на руски царски орел опсипан со дијаманти.
Полицијата соопшти дека шишето е неоштетено, иако и понатаму се прават испитувања.
На снимките од безбедносните камери се гледа маскиран човек, кој ноќта понеделник кон вторник го изнесува шишето од „Кафе 33“ шишето „Русо – Балтик“.
Вотката „Русо – Балтик“ ја прави истоимениот производител на луксузни автомобили.
Сопственикот на ресторанот Брајан Ингберг вели дека шишето и понатаму е скапоцено иако има незначителни оштетувања.
Вели дека шишето кое се појави во американската серија „House of Cards“, му го позајмил руски бизнисмен и дека не е осигурано.
Данската полиција води истрага, но без детали во јавноста.