Каталонија го доби правото да биде независна држава со резултатите од последниот рефендум кои покажаа јасно „ДА“, изјави денеска каталонскиот претседател Карлес Пуџдемон обраќајќи се пред каталонскиот парламент.
– Ова не е моја лична одлука, туку резултат на гласањето за самоопределување на кое што луѓето одговорија потврда, рече Пуџдемон.
Сепак тој повика на преговори за изнаоѓање на решение со Мадрид и побара од каталонскиот парламент да ги суспендира ефектите од референдумот за да може да започнат разговорите.
Пуџдемон го позрави референдумот и ги осуди акциите на шпанската полиција.
– Ние сме дел од иста заедница и мора да продолжиме заедно напред. Единствениот пат напред е преку мир и демократија, рече Пуџдемон и додаде дека на Каталонија ѝ било ускратено правото на самоопределување.
Ова е негов прв јавен говор по референдумот одржан на 1. октомври, кој што од шпанските власти беше прогласен за нелегален.