Ракометната репрезентација го загуби клучниот натпревар со Тунис, 24 -28  за пласман на Олимписките игри. Македонија во првиот дел бешее во негатива на дуелот со Тунис од седум голови (10:17).

Нашите играчи лошо го почнаа натпреварот, а противникот нашите грешки знаеше да ги казни и по девет минути игра Тунис водеше со 7:1. Во првите 15 минути Македонија постигна само три голови, а стрелец беше Кирил Лазаров, а имавме и еден промашен седмерец. По слабиот почеток во 10 минути Ристовски беше заменет и на голот застана Митревски, додека Мојсовски во првата постава влезе место Прибак.

По 10:3 за противникот нашите ракометари малку се вратија во игра и намалија на 10:6, но следуваше „двојното“ исклучување за Велко Маркоски и Јоноски и Тунис пак водеше со +7 (13:6).  Во финишот на полувремето Тунис ја имаше и највисоката предност од 17:9 во 28.минута.

И во второто полувреме, Тунис ја оддржуваше разликата не дозволувајќи и на нашата решрезентација да се доближи и евентуално да ја намали разликата. Останува утре Македонија да го изигра и последниот натпревар со Чиле од квалификацискиот циклус за олимипијадата во Рио./извор Телма