Разрешена директорката на гимназијата во Крушево, вршела политичко влијание врз ученици

од desk2

Фаница Николоска денеска е разрешена од директорка на СОУ„Наум Наумовски Борче“ во Крушево, а на нејзино место како вршител на должност доаѓа Снежана Миленкоска, наставничка по географија во гимназијата.

Николоска е разрешена по предлог на училишниот одбор откако бил усвоен заклучок со низа неправилности и по инспекциски надзор извршен на 6 декември, соопшто општина Крушево.

Според заклучокот од училишниот одбор, досегашната директорка вршела политичко влијание врз ученици за време на професионална пракса, во одреден случај не го почитувала Законот за јавни набавки и исплатила личен доход без постоечки договор.

„Фаница Николоска го прекршила член 7 од Законот за средно образование, според барањето на одборот за разрешување доставено до градоначалникот на Општина Крушево Томе Христоски, со кој се забранува секакво политичко организирање и дејствување, како и повреда на член 27 од Законот за јавни набавки. Врз основа на член 93 од Законот за средно образование градоначалникот Христоски ја разреши досегашната директорка“, се наведува во соопштението.

Слични содржини