Рекс Тилeрсoн со откази !Се предлага да се скратат 2.300 работни места во Стејт департментот

од Vladimir Zorba

Официјални извори велат дека државниот секретар на САД Рекс Тилерсон предлага да се намалат 2.300 работни места, во рамки на сериозните кратења во буџетот на Стејт департментот за следната финансиска година, пренесува БТА.

Официјални извори, кои се запознати со предлогот, велат дека намалувањето на работните места ќе биде придружено со намалување на бројот на ангажирање нови дипломати и можно спојување меѓу Стејт департментот и Американската агенција за меѓународен развој.

Кратењата се однесуваат на околу три проценти од целиот персонал на одделот, кој брои приближно 75.000 луѓе.

Изворите кои побараа анонимност, рекоа дека предлогот на Тилерсон е направен во согласност со барањето на Административно-буџетската управа на САД да се намалат буџетите на Стејт департментот и Американската агенција за меѓународен развој за 31 процент, преку сериозно намалување на програмите за странска помош.

Предложените од Тилерсон буџетски кратења се во износ од 26 проценти.

Слични содржини