Романија нема да ги прифати новите квоти на Европската комисија за прием на бегалци, изјави романскиот претседател Клаус Јоханис.

Романија веќе примила 1.785 бегалци, но според новиот предлог на Европската комисија, би требало да прими вкупно 6.351 лице, што во Букурешт се смета за неприфатливо.
Јоханис рече дека романскиот министер за внатрешни работи в понеделник ќе отпатува за Брисел за да го разгледа тоа прашање.
– Тој има мандат да каже дека нема шанси Романија да се согласи на обврзувачките квоти – рече Јоханис.
Романскиот претседател ја обвини ЕУ дека се обидува да ги распореди бегалците на бирократски начин, без да се консултира со земјите-членки./МЕТА