Капитенот на Манчестер Јунајтед, Вејн Руни ќе остане на клупата на својот тим веќе втор натпревар. Менаџерот на тимот Жозе Мурињо го остави англискиот репрезентативец резерва во минатиот круг, кога “црвените ѓаволи” се сретнаа против шампионот Лестер.
Португалскиот стручњак денеска изјави дека се уште не одлучил дали ќе го врати Руни во составот за домаќинскиот натпревар со украинскиот Зорја Луганска во Лига Европа во четвртокот.
Руни е остро критикуван за слабата форма во која се наоѓа во последно време.
“Вејн Руни е во групата за натпреварот. Сеуште не сум одлучил дали ќе почнам со него или не. Тој не тренираше вчера. На последниот тренинг имаше блага повреда во понеделникот. Руни има проблем со грбот, па денес беше прв пат во кој тренираше заедно со останатите играчи “, коментираше Мурињо.